جمعرات. جنوری 23rd, 2020

کنسرٹ کے دوران عاصم اظہر پر جوتا پھینکنے کی ویڈیو وائرل

اسلام آباد (مانیٹرنگ ڈیسک) نامور گلوکار و اداکار عاصم اظہر کو پاکستان کا جسٹن بیبر بھی کہا جاتا ہے، جن کا گانا آج کل سامنے آنے والے ہر پروجیکٹ میں موجود ہوتا ہے۔جہاں پورے پاکستان بھر میں گلوکار کے مداح موجود ہیں، وہیں شاید بہت سے ایسے لوگ بھی ہیں جنہیں اداکار کی گلوکاری پسند نہیں آتی۔عاصم اظہر کی سوشل میڈیا پر ایک ویڈیو بھی وائرل ہورہی ہے جس میں وہ ایک کنسرٹ میں پرفارم کررہے ہیں، تاہم حاضرین میں موجود افراد میں سے کسی نے ان کی گلوکاری پر ناپسندیدگی کا اظہار کرتے ہوئے جوتا اچھال دیا۔سوشل میڈیا پر وائرل اس ویڈیو میں مداحوں میں موجود کسی نے عاصم اظہر پر جوتا پھینکا ہے، جس پر مداح غصے اور ناراضی کا اظہار کررہے ہیں۔ویڈیو میں دکھایا گیا کہ کنسرٹ کے دوران یہ جوتا عاصم اظہر کے بجائے ان کی ٹیم میں موجود گٹارسٹ کے گٹار پر جاکر لگا، تاہم عاصم اظہر نے اس کے باوجود اپنی پرفارمنس کو جاری رکھا، جس پر مداحوں کی جانب سے انہیں سراہا بھی گیا۔خیال رہے کہ عاصم اظہر کو کوک اسٹوڈیو سے شہرت ملی تھی، وہ نامور اداکارہ گل رعنا کے بیٹے ہیں۔

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Chat with us on WhatsApp